GSEB ડુપ્લીકેટ માર્કશીટ 2026: ઓનલાઈન અરજી કેવી રીતે કરવી? । જાણો સંપુર્ણ માહિતિ

ગુજરાત બોર્ડ ડુપ્લીકેટ માર્કશીટ અને સર્ટિફિકેટ કઢાવવાની સંપૂર્ણ ઓનલાઈન પ્રક્રિયા | GSEB Duplicate Marksheet

gseb-duplicate-marksheet-online-apply

નમસ્કાર વિદ્યાર્થી મિત્રો! જો તમારી ધોરણ 10 કે 12 ની અસલ (Original) માર્કશીટ ખોવાઈ ગઈ છે, ચોરાઈ ગઈ છે કે ફાટી ગઈ છે, તો હવે તમારે જરાય ચિંતા કરવાની જરૂર નથી. પહેલા GSEB Duplicate Marksheet  કઢાવવા માટે વિદ્યાર્થીઓએ Gujarat Boardની કચેરીના ધક્કા ખાવા પડતા હતા, પરંતુ હવે ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ (GSEB) દ્વારા આખી પ્રક્રિયા ઓનલાઈન કરી દેવામાં આવી છે.

હવે તમે ઘરે બેઠા તમારા મોબાઈલ કે કોમ્પ્યુટરની મદદથી GSEB Duplicate Marksheet , પાસિંગ સર્ટિફિકેટ અને માઈગ્રેશન સર્ટિફિકેટ માટે ઓનલાઈન અરજી કરી શકો છો. અરજી કર્યા બાદ આ ડોક્યુમેન્ટ સ્પીડ પોસ્ટ મારફતે સીધા તમારા ઘરે પહોંચી જશે.

ઓનલાઈન કઈ-કઈ સેવાઓનો લાભ મળશે?

• ધોરણ 10 અને 12 ની ડુપ્લિકેટ માર્કશીટ (Duplicate Marksheet)

• માઈગ્રેશન સર્ટિફિકેટ (Migration Certificate)

• પાસિંગ સર્ટિફિકેટ (Passing Certificate)

• સમકક્ષતા પ્રમાણપત્ર (Equivalence Certificate)

પ્રમાણપત્ર કઢાવવા માટેની ફી ની વિગતો

ઓનલાઈન અરજી કરતી વખતે તમારે જે-તે સર્ટિફિકેટ મુજબ નિયત કરેલી ફી ઓનલાઈન (ડેબિટ કાર્ડ, ક્રેડિટ કાર્ડ અથવા UPI મારફતે) ચૂકવવાની રહેશે.

સર્ટિફિકેટનું નામ	નિર્ધારિત ફી
ડુપ્લિકેટ માર્કશીટ	₹50
માઈગ્રેશન સર્ટિફિકેટ	₹100
સમકક્ષતા પ્રમાણપત્ર	₹200
સ્પીડ પોસ્ટ ચાર્જ	₹50 (અલગથી)

⚠️ નોંધ: તમે જે પણ પ્રમાણપત્ર મંગાવો છો, તેની ફી સાથે ફરજિયાત ₹50 સ્પીડ પોસ્ટ ચાર્જ ચૂકવવાનો રહેશે, જેથી ડોક્યુમેન્ટ સુરક્ષિત રીતે તમારા સરનામે પહોંચી શકે.

ડુપ્લિકેટ માર્કશીટ માટે ઓનલાઈન અરજી કરવાની સ્ટેપ-બાય-સ્ટેપ પ્રક્રિયા

જો તમે ઓનલાઈન અરજી કરવા માંગતા હોય, તો નીચે આપેલા સ્ટેપ્સને અનુસરો:

• સત્તાવાર વેબસાઈટની મુલાકાત લો: સૌથી પહેલાં ગુજરાત બોર્ડની ઓફિશિયલ વેબસાઈટ gsebeservice.com પર જાઓ.

• રજીસ્ટ્રેશન (Registration): જો તમે પહેલીવાર આ પોર્ટલ પર આવ્યા છો, તો "Register" બટન પર ક્લિક કરીને તમારું નામ, મોબાઈલ નંબર અને ઈમેલ આઈડી નાખીને નવું એકાઉન્ટ બનાવો.

• લોગીન (Login): રજીસ્ટ્રેશન પૂર્ણ થયા બાદ, મોબાઈલ નંબર અને પાસવર્ડની મદદથી લોગીન કરો.

• પરીક્ષા પસંદ કરો: લોગીન કર્યા પછી ડેશબોર્ડ પરથી તમારે કયા ધોરણની (ધોરણ 10 કે 12) માર્કશીટ જોઈએ છે તે વિકલ્પ પસંદ કરો.

• અરજી ફોર્મ ભરો: તમારી પરીક્ષાનું વર્ષ, સીટ નંબર અને અન્ય જરૂરી વિગતો ભરીને સર્ચ કરો. તમારી વિગતો સ્ક્રીન પર દેખાશે. ત્યારબાદ તમારું હાલનું પૂરું સરનામું (જેના પર પોસ્ટ મંગાવવી છે) સાવચેતીપૂર્વક ભરો.

• ડોક્યુમેન્ટ અપલોડ કરો: ઓળખના પુરાવા તરીકે આધારકાર્ડ કે અન્ય માંગેલા દસ્તાવેજો સ્કેન કરીને અપલોડ કરો.

• ઓનલાઈન ફી ભરો: છેલ્લે, તમારા પ્રમાણપત્ર મુજબની ફી અને સ્પીડ પોસ્ટ ચાર્જનું ઓનલાઈન પેમેન્ટ કરો.

પેમેન્ટ સફળ થયા બાદ તમને એક Application Number મળશે, જેને સાચવીને રાખો. અરજી મંજૂર થયાના થોડા દિવસોમાં જ ડુપ્લિકેટ માર્કશીટ ભારતીય ટપાલ વિભાગ (Speed Post) દ્વારા તમારા ઘરે પહોંચાડી દેવામાં આવશે.

મહત્વપૂર્ણ લિંક:

ઓનલાઈન અરજી કરવા માટે અહી ક્લિક કરો:

GSEB Online Service Portal 🔗

વિદ્યાર્થી મિત્રો, આ માહિતી ખૂબ જ અગત્યની છે. તમારા જે મિત્રો કે સગા-સંબંધીઓની માર્કશીટ ખોવાઈ ગઈ હોય તેમની સાથે આ આર્ટિકલ ચોક્કસથી શેર કરો જેથી તેમને મદદ મળી શકે. 🙏